ಜುಲೈ 31, 2013 : ಬಿಹಾರಾಂತ್ ಜಾಲ್ಲ್ಯಾ ದನ್ಪರಾಂಚಾ ಭುರ್ಗ್ಯಾಂಚಾ ಜೆವ್ಣಾಚಾ ಅನಾಹುತಾ ವಿಶಿಂ ಉಲ್ಲೇಕ್ ಕರ್ನ್, ಅಲಹಾಬಾದ್ ಹೈ-ಕೋಡ್ತ್ ಹೊ ಅದೇಶ್ ದಿತಾ. ಇಸ್ಕೊಲಾಚಾ ಟೀಚರಾಂಚೆ ಕಾಮ್ ಭುರ್ಗ್ಯಾಂಕ್ ಲಿಸಾಂವ್ ಶಿಕಂವ್ಚೆ. ಜೆವ್ಣಾಚೆ ಮೇಲ್ವಿಚಾರಣ್ ಪಳೆಂವ್ಚೆ ಕಾಮ್ ಇಸ್ಕೋಲಾಚಾ ಟೀಚರಾಂಚೆ ವಾ ಪ್ರಿನ್ಸಿಪಾಲಾಂಚೆ ನ್ಹಯ್.
ಉತ್ತರ್ ಪ್ರದೇಶಾಂತ್ ಭುರ್ಗ್ಯಾಂಚಾ ದನ್ಪರಾಂ ಜೆವ್ಣಾಚೆಂ ಯೋಜನಾ ವಿಶಿಂ ಘಾಲ್ಲ್ಯಾ ಸಾರ್ವಜನಿಕ್ ಹಿತಾಸಕ್ತೆಚಾ ಅರ್ಜೆಚೆ ವಿಚಾರಣ್ ಕೆಲ್ಲ್ಯಾ ಜಸ್ಟಿಸ್ ಶಿವಾ ಕಿರ್ತಿ ಸಿಂಗ್ ಅನಿ ಜಸ್ಟಿಸ್ ವಿಕ್ರಮ್ ನಾಥ್ ಹಾಣಿಂ ಜಿಲ್ಲ್ಯಾಚಾ ಅಧಿಕಾರಿನ್ ದಿಲ್ಲ್ಯಾ ಅದೇಶಾಂತ್ ಸ್ವಯಂ ಸೇವಾ ಸಂಸ್ಥ್ಯಾಕ್ ಜೆವ್ಣಾಚಿ ಜವಾಬ್ದಾರಿ ದೀವ್ನ್, ತಾಚೆ ಮೇಲ್ವಿಚಾರಣ್ ಟೀಚರಾನಿಂ ವಾ ಇಸ್ಕೊಲಾಚಾ ಪ್ರಿನ್ಸಿಪಾಲಾನ್ ವಹಿಸುನ್ ಘೆಂವ್ಕ್ ಅದೇಶ್ ದಿಲ್ಲ್ಯಾ ವಯ್ರ್ ಹಿ ಅರ್ಜಿ ದಾಕಲ್ ಜಾಲ್ಲಿ. ಮುಕ್ಲೊ ಅದೇಶ್ ಯೆತಾ ಪರ್ಯಾಂತ್ ಅತಾ ಚಾಲು ಅಸ್ಚಿ ರೀತ್ ಮುಂದರುಂಕ್ ಅನಿ ಸರ್ಕಾರಾನ್ ತಾಚೊ ಸಾರ್ಕೊ ನಿರ್ದಾರ್ ಹ್ಯಾ ವಿಶ್ಯಾಂತ್ ಕೋಡ್ತಿ ಸಮೊರ್ ದಾಕಲ್ ಕರುಂಕ್ ಅವ್ಕಸ್ ದೀಲಾ.
Comments powered by CComment