ಜುಲೈ 30, 2013 : ಡೆಲ್ಲಿ ಸರ್ಕಾರಾನ್ ಚಡೊನ್ ಯೆಂವ್ಚ್ಯಾ ಸಿವಿಲ್ ಕೇಸಿಂಚಾ ಸಮಸ್ಯಾಂಕ್ ಪೂರಕ್ ಜಾವ್ನ್, ತಾಕಾ ಪರಿಹಾರ್ ದೀಂವ್ಚ್ಯಾ ದಿಶೆನ್ ಎಕ್ ವರ್ತೆಂ ಮೇಟ್ ದವರ್ಲಾ. ಎದೊಳ್ ಪರ್ಯಾಂತ್ ಮುಳಾವ್ಯಾ/ಸಕಯ್ಲ್ಯಾ ಕೋಡ್ತಿನ್ ರು. 20 ಲಾಕ್ ಪರ್ಯಾಂತ್ ಅಸ್ಚ್ಯಾ ಮೌಲ್ಯಾಂಚೊ ಕೇಸಿ ಘೆಂವ್ಕ್ ಅವ್ಕಾಸ್ ಅಸಲ್ಲೊ. 20 ಲಾಕಾಂ ವಯ್ರ್ ಮೌಲ್ಯಾಧರಿತ್ ಜಾಗ್ಯಾಚೊ ವಾ ಹೆರ್ ದಾವೆ ವಯ್ಲಾ ಕೊಡ್ತಿಚಾ ಪರಿವ್ಯಾಪ್ತಿಕ್ ವೆತಲ್ಯೊ. ಹ್ಯಾ ವರ್ವಿಂ ವಯ್ಲ್ಯಾ ಕೋಡ್ತಿ ಥಾವ್ನ್ ಅಪೀಲಾಂ ಹೈ-ಕೊಡ್ತಿಕ್ ವೆತಲ್ಯೊ. ಹಾಚೊ ಪರಿಣಾಮ್ ಜಾವ್ನ್ ಹೈ-ಕೊಡ್ತಿಂತ್ ಕೇಸಿಂಚೊ ಸಂಕೊ ಚಡ್ತಲೊ. ಹೆಂ ನಿವಾರ್ಚ್ಯಾ ಇರಾದ್ಯಾನ್ ಪ್ರಸ್ತುತ್ ಹಾಡಲ್ಲೆ ಬದ್ಲಾವಣೆ ವರ್ವಿಂ ಅನಿಂ ಮುಕ್ಲ್ಯಾ ದೀಸಾನಿಂ ಡೆಲ್ಲಿ ರಾಜ್ಯಾಂತ್ 2 ಕೊರೊಡ್ ಪರ್ಯಾಂತ್ ಮೌಲ್ಯಾಧಾರಿತ್ ದಾವೆ ಸಕಯ್ಲ್ಯಾ/ಮುಳಾವ್ಯಾ ಕೋಡ್ತಿಂತ್ ದಾಕಲ್ ಕರುಂಕ್ ಅವ್ಕಾಸ್ ದಿಲಾ. ಹಿ ಬದ್ಲಾವಣ್ ಡೆಲ್ಲಿ ಹೈ-ಕೊಡ್ತಿಚಾ ಅದ್ಲ್ಯಾ ಮುಖ್ಯ ನೀತಿಕರ್ತ್ ಜಸ್ಟಿಸ್ ಡಿ. ಮುರುಗೇಶನ್ ಹಾಚಾ ಅಬಿಪ್ರಾಯೆಕ್ ಮನ್ನಣೆ ದೀವ್ನ್ ಮುಖ್ಯ ಮಂತ್ರಿನ್ ಹೆಂ ಜ್ಯಾರಿಯೆಕ್ ಹಾಡ್ಲಾ.
|
|
|
Comments powered by CComment