ಸುಪ್ರೀಮ್ ಕೋಡ್ತ್, ದಯಾಳ್ ಸಿಂಗ್ ವಿರೋದ್ ಉತ್ತರಾಂಚಲ್ ರಾಜ್ಯ್ [(2012) 8 ಸು.ಕೋ. ಕೆ. ಪಾನ್ ಸಂಕೊ 263] ದಾವ್ಯಾಂತ್  ಹೈ-ಕೋಡ್ತ್ ವಾ ಸುಪ್ರೀಮ್ ಕೋಡ್ತ್ ಮಾತ್ರ್ ನ್ಹಯ್ ಸಕೈಲಾ ಕೋಡ್ತಿನೀ ಚೂಕ್ ಕರ್ಚ್ಯಾ ಪೋಲಿಸ್ ಅಧಿಕಾರಿಂ ಅನಿ ವೈಧ್ಯಾಧಿಕಾರಿಂ ವಿರೋದ್ ಶಿಸ್ತ್ ಕ್ರಮ್ ಕಾಣ್ಘೆಂವ್ಕ್ ಸಂಪೂರ್ಣ್ ಅಧಿಕಾರ್ ಅಸಾ ಮ್ಹಣ್ ಸಾಂಗ್ಲಾ.
   
ಎಕಾ ಕ್ರಿಮಿನಲ್ ಕೇಸಿಂತ್ ಕೇಸ್ ಇನ್ವೆಸ್ಟಿಗೇಟ್ ಕರ್ಚ್ಯಾ ಪೋಲಿಸ್ ಅಧಿಕಾರಿನ್ ಪೋಲಿಸ್ ನಿಯಮ್ ಬೂಕಾಂತ್ ದಿಲ್ಲೆ ಪರ್ಮಾಣೆ ಅನಿ ವೈಧ್ಯಾಧಿಕಾರಿನ್ ಎಕಾ ಸಾದ್ಯಾ ದಾಕ್ತೆರಾನ್ ಪಾಲನ್ ಕರ್ಚ್ಯಾ ರುಲಿ ರೆಗ್ರ್ಯಾ ಪರ್ಮಾಣೆಂ ವಾವ್ರ್ ಕರುಂಕ್ ಜಾಯ್. ಹ್ಯಾ ದೊಗಾಯ್ನಿಂ ಜಾಗ್ರುತ್ ಮನಾನ್ ಸತಾಕ್ ಸಾಕ್ಷಿ ಜಾವ್ನ್ ವಾವ್ರ್ ಕರಿಜಾಯ್. ತಾಣಿಂ ಕರ್ಚಿ ಚೂಕ್ ಸಗ್ಳ್ಯಾ ಕೇಸಿಚಾ ಅನನುಕೂಲತೆಕ್ ಕಾರಣ್ ಜಾತಾ ಅನಿ ಶಿಕ್ಷಾರ್ಹ್ ಫಾವೊ ಜಾಂವ್ಚೊ ವ್ಯಕ್ತಿ ಶಿಕ್ಷೆ ಥಾವ್ನ್ ಚುಕೊನ್ ಘೆಂವ್ಚಿ ಸಾಧ್ಯತಾ ಅಸಾ. ದೆಕುನ್ ಹ್ಯಾ ಸಂಧರ್ಭಾರ್ ಹ್ಯಾ ವ್ಯಕ್ತಿನಿ ಜಾಣಾ ಅಸೊನ್ ವಾ ಅಲಕ್ಷಾ ಕರ್ನ್ ಚೂಕ್ ಕೆಲಾ ತರ್ ಕೇಸ್ ಚಲಂವ್ಚಾ ವಾ ಸಂಭಂಧ್ ಜಾಲ್ಲ್ಯಾ ಸಕೈಲಾ (ಟ್ರಾಯೆಲ್ ಕೋಡ್ತ್) ಕೋಡ್ತಿನ್ ತಾಂಚೆ ವಿರೋದ್ ಶಿಸ್ತ್ ಕ್ರಮ್ ಘೆಂವ್ಕ್ ಸಾಧ್ಯ್ ಅಸಾ.

 

 

 

 

Comments powered by CComment

Copyright © 2013 - www.christiankanoon.com. Powered by eCreators