ಪತಿಣೆಕ್ ದಂಡ ಸಂಹಿತೆಚಾ ಕಲಂ ೧೨೫ ಮುಳಾಂತ್ ಜೀವನಾಂಶ್ ಅಪ್ಣಾಂವ್ಚೊ ದಾವೊ ದಾಕಲ್ ಕರ್ನ್ ಪತಿ ಥಾವ್ನ್ ಜೀವನಾಂಶ್ ಅಪ್ಣಾಂವ್ಚೊ ಹಕ್ಕ್ ಕೊಡ್ತಿ ಥಾವ್ನ್ ಅಪ್ಣಾಯಿಲ್ಲ್ಯಾ ಉಪ್ರಾಂತ್ ದಾದ್ಲ್ಯಾನ್ ತೊ ದೀಂವ್ಕ್ ನೆಗಾರ್ ಕೆಲ್ಲ್ಯಾ ವೇಳಿಂ/ಸತಾಯಿಲ್ಲ್ಯಾ ವೇಳಿಂ ತಾಚೆ ವಯ್ರ್ ಕ್ರಿಮಿನಲ್ ದಾವೊ ಘಾಲ್ನ್ ಜಾಮಿನ್ ರಹಿತ್ ಅದೇಶ್ ಜ್ಯಾರಿ ಜಾಲ್ಯಾರ್ ತೊ ಉಂಚ್ಲ್ಯಾ ಕೋಡ್ತಿ ಥಾವ್ನ್ ರದ್ದ್ ಕರುಂಕ್ ಸಾದ್ಯ್ ನಾಂ ಮ್ಹಣ್ತಾ ಮುಂಬೈಚಿ ಹೈ-ಕೋಡ್ತ್. ಹೈ-ಕೊಡ್ತಿಚೊ ನಿತಿಕರ್ತ್ ರೋಶನ್ ದಾಲ್ವಿ ಹ್ಯಾ ವಿಶ್ಯಾಂತ್ ಉಲ್ಲೇಕ್ ಕರ್ನ್ ಮ್ಹಣ್ತಾಕೀ “ಜೀವನಾಂಶ್ ಅಪ್ಣಾಂವ್ಕ್ ಹಕ್ಕ್ ದಿಲ್ಲ್ಯಾ ದಂಡ ಸಂಹಿತೆ ಪ್ರಕ್ರೀಯಾಚಿ ನಿಯಾಮಾವಳಿಂ (Criminal Procedure Code)ಅನಿ ಘರಾ ಭಿತರ್ ಜಾಂವ್ಚೊ ಹಲ್ಲೊ ರಾಕ್ಚಿ ನಿಯಾಮಾವಳಿಂ (Domestic Violence) ಎಕಾ ಸ್ರೀಯೆಕ್ ರಕ್ಷಣ್ ದೀಂವ್ಚೆ ಖಾತಿರ್ ರಚಲ್ಲಿಂ ಜಾವ್ನಾಸತ್. ದೆಕುನ್ ಜಿಂ ಖಂಯ್ಚ್ಯಾ ವ್ಯಕ್ತಿಚಾ ರಕ್ಷಣಾ ಖಾತಿರ್ ವಾ ಬರೆಪಣಾಂ ಖಾತಿರ್ ರಚ್ಲ್ಯಾಂತ್ ತಾಚೊ ಸಾರ್ಕೊ ಅರ್ಥ್ ಕರ್ನ್ ತ್ಯಾ ವ್ಯಕ್ತಿಂಚೆ ರಕ್ಷಣ್ ಜಾಂವ್ಚೆ ಪರಿಂ ಅನುವಾದ್ ಕರುಂಕ್ ಜಾಯ್”
ಹ್ಯಾ ದಾವ್ಯಾಂತ್ ಸ್ತ್ರೀ ತಾಚೆ ಪತಿ ವಿರೋದ್ ಘರಾ ಭಿತರ್ ಜಾಂವ್ಚ್ಯಾ ಹಲ್ಲ್ಯಾ ವಿರೋದ್ ರಚಲ್ಲ್ಯಾ ಕಾನುನಾ ಮುಳಾಂತ್ ದಾವೊ ದಾಕಲ್ ಕರ್ನ್, ದಂಡಪ್ರಕ್ರಿಯಾ ಸಂಹಿತೆಚಾ ಮುಳಾಂತ್ ಪತಿ ಥಾವ್ನ್ ಜೀವನಾಂಶ್ ಅಪ್ಣಾಂವ್ಚೊ ಅದೇಶ್ ಕಾಣ್ಘೆತಾ. ಉಪ್ರಾಂತ್ ಪತಿನ್ ಅದೇಶ್ ಜಾಲ್ಲೊ ಐವಜ್ ದೀಂವ್ಕ್ ಸತಾಯಿಲ್ಲ್ಯಾ ವೇಳಿಂ ಪತಿಣ್ ಪತಿ ವಿರೋದ್ ಮ್ಯಾಜಿಷ್ಟ್ರೇಟಾ ಥಾವ್ನ್ ಜಾಮಿನ್ ರಹಿತ್ ಕಯ್ದ್ ಕರ್ಚೊ ಅದೇಶ್ ಹಾಡ್ನ್ ಅಯಿಲ್ಲ್ಯಾ ವೇಳಿಂ ಪತಿ ತೊ ಅದೇಶ್ ಉಂಚ್ಲ್ಯಾ ಕೊಡ್ತಿ ಥಾವ್ನ್ ರದ್ದ್ ಕರುಂಕ್ ಅಪೀಲ್ ಕರ್ತಾ. ಹ್ಯಾ ವೇಳಾ ಉಂಚ್ಲ್ಯಾ ಕೋಡ್ತಿಚೊ ನೀತಿಕರ್ತ್ ವಯ್ರ್ ಸಾಂಗಲ್ಲೊ ವಿಷಯ್ ಅದೇಶಾ ರುಪಿ ಜ್ಯಾರಿ ಕರ್ನ್ ಮ್ಯಾಜಿಷ್ಟ್ರೇಟಾಚೊ ಅದೇಶ್ ರದ್ದ್ ಕರುಂಕ್ ನೆಗಾರ್ ಕರ್ತಾ.
Comments powered by CComment