8-8-2013 : ‘ಕೌನ್ ಬನೇಗಾ ಕ್ರೋರ್‌ಪತಿ’ಚೊ ತಯಾರಕ್ ಸಿಧ್ದಾರ್ಥ್ ಬಸು, ನಿರೂಪಕ್ ಅಮಿತಾಬ್ ಬಚ್ಚನ್ ಅನಿ ಹೆರ್ ಪಾಂಚ್ ಜಣಾಂ ವಿರೋಧ್ ವಕೀಲಾಂಕ್ ಅವ್ಮರ್ಯಾದ್ ಕೆಲಾ ಮ್ಹಳ್ಳ್ಯಾ ಅರೋಪಾ ಖಾಲ್ ಕೋಡ್ತಿ ಥಾವ್ನ್ ನೋಟಿಸ್ ಜ್ಯಾರಿ ಜಾಲಾ. ಸೋನಿ ಟಿವಿಚೆರ್ ಪ್ರಸಾರ್ ಜಾಂವ್ಚೆ ಕೌನ್ ಬನೇಗಾ ಕ್ರೊರ್‌ಪತಿ ಕಾರ್ಯಾಕ್ರಮಾಂತ್ ವಕೀಲಾಂಕ್ ಅವ್ಮರ್ಯಾದ್ ಹಾಡ್ಚೆ ತಸಲಿಂ ಉತ್ರಾಂ ಅನಿ ತಾಂಚಾ ವ್ರತ್ತೇಕ್ ಅವ್ಮಮರ್ಯಾದ್ ಕೆಲಾ ಮ್ಹಳ್ಳೊ ಅರೋಪ್ ಕರ್ನ್ ಅಹಮದಾಬಾದ್ ಮ್ಯಾಜಿಸ್ಟ್ರೇಟ್ ಕೊಆಡ್ತಿ ಥಾವ್ನ್ ನೋಟಿಸ್ ಜ್ಯಾರಿ ಕರ್ನ್ ಅಗೋಸ್ತಾಚಾ 21 ತಾರೀಕೆ ಭಿತರ್ ಅಮಿತಾಬ್ ಬಚ್ಚನ್, ಸಿಧ್ದಾರ್ಥ್ ಅನಿ ಹೆರ್ ಪಾಂಚ್ ಜಣಾನಿಂ ತಾಂಚಿ ಜವಾಬ್ ಕೋಡ್ತಿ ಸಮೊರ್ ದವ್ರುಂಕ್ ಅದೇಶ್ ದಿಲಾ.
ಅರೋಪ್ ಕೆಲ್ಲ್ಯಾ ವಕೀಲ್ ದೆವೀಂದರ್ ಸಿಂಗ್ ರಾಕ್ಕಡ್ ಮ್ಹಳ್ಳ್ಯಾನ್ ಐಪಿಸಿ ಕಲಂ 500 ಅನಿ ತಾಂತ್ರಿಕ್ ಮಾಧ್ಯಮ್ ಕಾನುನಾಚಾ ಹೆರ್ ಕಲಂ ಮುಳಾಂತ್ ಕೇಸ್ ದಾಖಲ್ ಕೆಲಾ. ಕೇಸ್ ದಾಕಲ್ ಕರ್ತಾನಾ ವಕೀಲಾನ್ ಸಂಭಂದ್ ಜಾಲ್ಲಿ ವಿಡಿಯೋ ಸಿಡಿ ಅನಿ ಹೆರ್ ದಾಖ್ಲೆ ಕೋಡ್ತಿ ಸಮೊರ್ ಹಾಜರ್ ಕೆಲ್ಯಾತ್.
Comments powered by CComment