ಅಗೊಸ್ತ್ 3, 2013 : ಕಲ್ಲಿದ್ದಲು ಹಗರಣಚಾ ದಾವ್ಯಾ ಸಂಧರ್ಬಾರ್ ಕೇಂದ್ರ ಸರ್ಕಾರ್ ಸಿಬಿಐ’ಚಾ ಅಧಿಕಾರಾ ವಿಶ್ಯಾಂತ್ ಉಲ್ಲೇಕ್ ಕರ್ನ್ ಸಿಬಿಐ (ಸೆಂಟ್ರಲ್ ಬ್ಯೂರೊ ಅಫ್ ಇನ್ವೆಸ್ಟೀಗೇಶನ್) ‘ಎಕಾ ಗೂಡಾಂತ್ ಅಸ್ಚ್ಯಾ ಗಿಳಿ ಬರಿ, ದೆಕುನ್ ತಾಕಾ ಚಡ್ ಅಧಿಕಾರ್ ಅನಿ ಸ್ವಯತ್ತತೆ ದಿಲ್ಲ್ಯಾ ಖರಿತ್ ವಿಶೇಷ್ ಜಾವ್ನ್ ರಾಜಕೀಯ್ ವ್ಯಕ್ತಿಂಚಾ ಪ್ರಭಾವಾ ಥಾವ್ನ್ ಮೆಕ್ಳೆಂ ಕೆಲ್ಲ್ಯಾ ಶಿವಾಯ್ ತಾಚ್ಯಾ ಅಸ್ತಿತ್ವಾಕ್ ಅನಿ ಕಾರ್ಯ ವೈಕರಿಕ್ ಅಡ್ಕಳ್ ಯೆಂವ್ಚಿ ಸಾಧ್ಯತಾ ಅಸಾ ಮ್ಹಳ್ಳೊ ಹುಸ್ಕೊ ಉಚಾರಲ್ಲ್ಯಾ ಉಪ್ರಾಂತ್, ಸಿಬಿಐ ನಿರ್ದೇಶಕಾನ್ ಹ್ಯಾ ವಿಶ್ಯಾಂತ್ ಪ್ರಮಾಣ್ ಪತ್ರ್ ಘಾಲ್ನ್, ರಾಜಕೀಯ್ ವೈಕ್ತಿಂಚಾ ಪ್ರಭಾವಾ ಥಾವ್ನ್ ಮೆಕ್ಳೆಂ ಕರುಂಕ್ ಅನಿ ನಿರ್ಧೇಶಕಾಚಿ ಅಧಿಕಾರಾವಧಿ 3 ವರ್ಸಾಂಕ್ ಚಡೊಂವ್ಕ್ ವಿನಂತಿ ಕೆಲ್ಲ್ಯಾಕ್, ಕೇಂದ್ರ ಸರ್ಕಾರಾನ್ ಜಾಪ್ ದೀವ್ನ್, ‘ಸಂಪೂರ್ಣ್ ಅಧಿಕಾರ್ ನಿರ್ದೇಶಕಾಚಾ ಹಾತಾಂತ್ ದಿಲ್ಯಾರ್ ಅಧಿಕಾರಿ ಶಾಹಿ ಜಾವ್ನ್ ಸಂವಿಂಧಾನಾಚಾ ವಿರೋಧ್ ವೆತಾ ಅನಿ ತಾಚೊ ಅಧಿಕಾರ್ ದುರುಪಯೋಗ್ ಜಾಂವ್ಚಿ ಸರ್ವ್ ಸಾಧ್ಯತಾ ಅಸಾ. ಹೆಂ ಸಿಬಿಐ’ಚಾ ಕಾರ್ಯ್ ವೈಕರಿಕ್ ಸ್ಪಂಧನ್ ಜಾಂವ್ಚಿ ತಸಲಿ ಲಕ್ಷಣಾಂ ನ್ಹಯ್ ಮ್ಹಳ್ಳೊ ಅಬಿಪ್ರಾಯ್ ಉಚಾರ್ಲಾ’ ಹ್ಯಾ ವರ್ವಿಂ ಎದೊಳ್ ಅಸಲ್ಲೆ ಬರಿಂ ಮುಕ್ಲ್ಯಾ ದಿಸಾನಿಂ ಸಿಬಿಐ ಕೇಂದ್ರ ಸರ್ಕಾರಾಚಾ ಮುಟಿಂ ಭಿತರ್ ಅಸ್ತೆಲೆಂ ಮ್ಹಳ್ಳೊ ಹಿಶಾರೊ ದಿಲಾ. ಕೇಂದ್ರ್ ಸರ್ಕಾರಾಚಾ ಹ್ಯಾ ಧೋರಣಾ ವರ್ವಿಂ ಉತ್ರಾನ್ ಮಾತ್ರ್ ಸಿಬಿಐ’ಕ್ ಸಂಪೂರ್ಣ್ ಅಧಿಕಾರ್ ದಿತಾ ಪುಣ್ ಕಾರ್ಯಾನ್ ನ್ಹಯ್ ಮ್ಹಳ್ಳೆಂ ದಾಕವ್ನ್ ದಿಲಾ.
Comments powered by CComment