ಜುಲೈ 24, 2013 : ಸುಪ್ರೀಮ್ ಕೊಡ್ತಿನ್ ಸ್ತ್ರೀಯಾಂಚೆರ್ ಜಾಂವ್ಚೊ ಅಸಿಡ್ ಹಲ್ಲೊ ರಾವಂವ್ಚ್ಯಾ ಇರಾದ್ಯಾನ್, ತ್ಯಾ ದಿಶೆನ್ ಗಂಬೀರ್ ಚಿಂತಾಪ್ ಅಟವ್ನ್, ಥೊಡಿಂ ಕಠೀಣ್ ನಿಯಾಮಾಂ ದಿಲ್ಯಾಂತ್. ಹಿಂ ನಿಯಮಾಂ ಅಶಿ ಅಸಾತ್- ರು. 3 ಲಾಕ್ ಪರಿಹಾರ್ ಅನಿ ರಾಜ್ಯ್ ಸರ್ಕಾರಾನ್ ಹಲ್ಲೊ ಜಾಲ್ಲ್ಯಾ 15 ದೀಸಾಂ ಭಿತರ್ ರು. 1 ಲಾಕ್ ಪರಿಹಾರ್ ಪಾವಿತ್ ಕರ್ಚೊ, ಅಸಿಡ್ ವಿಕ್ತೆ ಕಾಣ್ಘೆಂವ್ಕ್ ವೆಚ್ಯಾ ಹರೇಕ್ಲ್ಯಾನ್ ತಾಚಿ ಗುರ್ತಾಚಿ ಚೀಟ್ (ಐಡೆಂಟಿಟಿ ಕಾರ್ಡ್- ದಾಖ್ಲೊ), ವಸ್ತೆಚೊ ಎಡ್ರೆಸ್ ಅನಿ ಅಸಿಡ್ ಕಾಣ್ಘೆಂವ್ಚೊ ಇರಾದೊ ತಿಳ್ಸುಂಚಿ ಗರ್ಜ್. ವ್ಹಡ್ ಮಾಪಾನ್ ಅಸಿಡ್ ವಿಕ್ತೆ ಕಾಣ್ಘೆತೆಲ್ಯಾನ್ ಸಬ್ ಡಿವಿಜನಲ್ ಮ್ಯಾಜಿಶ್ಟ್ರೇಟಾ ಥಾವ್ನ್ ಪರ್ವಣ್ಗಿ ಘೆಂವ್ಚೆ ಕಡ್ಡಾಯ್. ಶಿಕ್ಪಾ ಸಂಸ್ಥ್ಯಾನಿಂ ಸಮೇತ್ ಹಿ ಪರ್ವಣ್ಗಿ ಘೆಂವ್ಕ್ ಜಾಯ್.
ಹಾಚೆ ಸಾಂಗಾತಾ ರಾಜ್ಯ್ ಸರ್ಕಾರಾನ್ ಪಿಡೆಸ್ತಾಚಾ ವಕ್ತಾಚೊ ಖರ್ಚ್ ಪಳೆವ್ನ್ ತಾಚಾ ಜೀವನಾಕ್ ಅದಾರ್ ಜಾಂವ್ಚೆ. ಪರ್ವಣ್ಗಿ ಕಾಣ್ಘೆತಲ್ಯಾ ಅಂಗ್ಡಿನಿಂ ಮಾತ್ರ್ ಅಸಿಡ್ ವಿಕುಂಕ್ ಅವ್ಕಾಸ್. ನಿಯಮಾಚೆ ಉಲ್ಲಂಘನ್ ಕೆಲ್ಲ್ಯಾ ಅಂಗ್ಡಿಗಾರಾಂ ವಿರೋದ್ ಉಣೆಂ ಮ್ಹಳ್ಳ್ಯಾರ್ ರು. 5೦,೦೦೦ ದಂಡ್ ಘಾಲುಂಕ್ ಅವ್ಕಾಸ್ ಅಸಾ.
Comments powered by CComment