ಉತ್ತರಾಧಿಕಾರತ್ವ್ (Succession)
(ಕಲಂ 29-49 ಭಾರತೀಯ್ ಉತ್ತರಾಧಿಕಾರತ್ವ್ ಕಾಯ್ದೊ 1925)


ಮಾ. ಬಾಪ್. ಫ್ರಾನ್ಸಿಸ್ ಅಸ್ಸಿಸಿ ಅಲ್ಮೇಡಾ,
ಯಾಜಕ್ ಅನಿ ವಕೀಲ್ (ಮಂಗ್ಳುರ್ ದಿಯೆಸೆಜ್)


ಪ್ರಸ್ತಾವನ್:
ಎಕ್ ವ್ಯಕ್ತಿ ಹ್ಯಾ ಸಂಸಾರಾಂತ್ ಜಿಯೆತಸ್ತಾನಾ ಅಪ್ಣಾಕ್ ಮಾತ್ರ್ ನ್ಹಯ್ ಅಪ್ಲ್ಯಾ ಭುರ್ಗ್ಯಾ ಬಾಳಾನಿಂ ಅಪ್ಣಾ ಉಪ್ರಾಂತ್ ಸಂತೊಸಾನ್ ಜಿಯೆಜೆ ಮ್ಹಣ್ ಅಶೆತಾ, ದೆಕುನ್ ಅಪ್ಲ್ಯಾ ಜೀವನಾಂತ್ ಕಷ್ಟ್ ಅಪ್ಣಾಯ್ಲ್ಯಾತ್ ತರೀ ಅಪ್ಲ್ಯಾ ಭುರ್ಗ್ಯಾನಿಂ ಕಷ್ಟೊಂಕ್ ನಜೊ ಮ್ಹಳ್ಳ್ಯಾ ಅಶೆನ್ ದರಬಸ್ತ್ ಅಸ್ತ್ ಕರ್ತಾ. ಸಬಾರ್ ಪಾವ್ಟಿಂ ಅಶೆಂ ಚಿಂತಲ್ಲೊ ವ್ಯಕ್ತಿ ಉತರ್ ಪ್ರಾಯೆರ್ ಮೊರ್ಚ್ಯಾ ಬದ್ಲಾಕ್, ಸಾದಾರಣ್ ಜಾವ್ನ್ ಮರೊಂಕ್ ನ್ಹಯ್ ಅಸಲ್ಯಾ ಸಮಯಾರ್ ಮರಣ್ ಅಪ್ಣಾಯ್ತಾ ಅನಿಂ ಅಸ್ತಿಚಿ ವಿಲೆವಾರಿ ವಿಲ್ಲಾ ಮುಕಾಂತ್ರ್ ಜ್ಯಾರಿ ಜಾಂವ್ಚೆ ಪರಿಮ್ ಪಳೆನಾಂ ತರ್ ತಾಣೆಂ ಕರ್ನ್ ದವರಲ್ಲಿ ಅಸ್ತ್ ಕೊಣಾಕ್ ವೆತಾ. ಹೆಂ ಸವಾಲ್ ಸಬಾರಾಂಚಾ ಮತಿಂತ್ ಅಸಾ, ಪುಣ್ ಹಾಕಾ ಸಾರ್ಕಿ ಜಾಪ್ ಮೆಳನಾ. ತರ್ ಕಾನುನ್ ಹ್ಯಾ ದಿಶೆನ್ ಕಿತೆಂ ಸಾಂಗ್ತಾ

ಭಾರತೀಯ್ ಉತ್ತರಾಧಿಕಾರತ್ವ್ ಕಾಯ್ದ್ಯಾಚಿ ಕಲಂ 29 ಥಾವ್ನ್ 46 ಮ್ಹಣಸರ್ ಕ್ರೀಸ್ತಾಂವಾಂಕ್ ಲಾಗು ಜಾತಾತ್. ಹಿಂ ಕಾನುನಾಂ ಹಿಂದ್ವಾಂಕ್, ಮುಸ್ಲಿಮಾಂಕ್, ಬುದ್ದಿಸ್ಟಾಂಕ್, ಸಿಖ್ಖಾಂಕ್ ಅನಿಂ ಜ್ಯೇನಾಂಕ್ ಲಾಗು ಜಾಯ್ನಾಂತ್.

ವಿಲ್ಲ್ ವಾ ಹೆರ್ ಖಂಯ್ಚ್ಯಾಯ್ ರೀತಿನ್ ಅಸ್ತಿಚಿ ವಿಲೆವಾರಿ ಕರ‍್ನಾತಲ್ಲ್ಯಾ ವೆಳಿಂ ಲಾಗು ಜಾಂವ್ಚಿಂ ನಿಯಮಾಂ:
ಎಕ್ ವ್ಯಕ್ತಿ ಅಪ್ಲಿ ಅಸ್ತ್ ಅಪ್ಣಾ ಉಪ್ರಾಂತ್ ಕೊಣಾಕ್ ವಚಾಜೆ ಮ್ಹಣ್ ವಿಲೆವಾರಿ ಕರ್ನಾಸ್ತಾಂ ಮರಣ್ ಪಾವ್ತಾ ಅನಿಂ ತಾಕಾ/ತಿಕಾ ಭುರ‍್ಗಿಂ ನಾಂತ್ ತರ್-


1. ವಿಧವ್ ಸ್ರ್ತೀಯೆಕ್/ದಾದ್ಲ್ಯಾಕ್ 1/2 ವಾಂಟೊ ಅನಿಂ ಮರಣ್ ಪಾವಲ್ಯಾ ವ್ಯಕ್ತಿಚೊ ಬಾಪಾಯ್ ಜೀವಂತ್ ಅಸಾ ತರ್ ತಾಕಾ 1/2 ವಾಂಟೊ;
2. ವಿಧವ್ ಸ್ರ್ತೀಯೆಕ್/ದಾದ್ಲ್ಯಾಕ್ 1/2 ವಾಂಟೊ ಅನಿಂ ಮರಣ್ ಪಾವಲ್ಯಾ ವ್ಯಕ್ತಿಚೊ ಬಾಪಾಯ್ ಜೀವಂತ್ ನಾಂ ಪುಣ್ ತಾಚಿ/ತಿಚಿ ಅವಯ್, ಬಾವ್ ಅನಿಂ ಭಯ್ಣಿಂ ಅಸಾತ್ ತರ್ ತಾಂಕಾ ಸಮಾನ್ 1/2 ವಾಂಟೊ;
3. ವಿಧವ್ ಸ್ರ್ತೀಯೆಕ್/ದಾದ್ಲ್ಯಾಕ್ 1/2 ವಾಂಟೊ ಅನಿಂ ಮರಣ್ ಪಾವಲ್ಯಾ ವ್ಯಕ್ತಿಚೊ ಬಾಪಾಯ್ ನಾಂ ತರ್ ತಾಚ್ಯಾ ಅವಯ್ಕ್, ಬಾವಾಂಕ್, ಭಯ್ಣಿಂಕ್ ಅನಿಂ ಕೊಣಿಂ ಭಾವ್ ವ ಭಯ್ಣಿಂ ಮರಣ್ ಪಾವ್ಲಾತ್ ತರ್ ತಾಂಚ್ಯಾ ಭುರ‍್ಗ್ಯಾಂಕ್ ಸಮಾನ್ 1/2 ವಾಂಟೊ;
4. ವಿಧವ್ ಸ್ರ್ತೀಯೆಕ್/ದಾದ್ಲ್ಯಾಕ್ 1/2 ವಾಂಟೊ ಅನಿಂ ಮರಣ್ ಪಾವಲ್ಯಾ ವ್ಯಕ್ತಿಚೊ ಬಾಪಾಯ್ ನಾಂ ತರ್ ತಾಚ್ಯಾ ಅವಯ್ಕ್, ಅನಿಂ ಭಾವ್ ಅನಿಂ ಭಯ್ಣಿಂ ಮರಣ್ ಪಾವ್ಲ್ಯಾತ್ ತರ್ ತಾಂಚ್ಯಾ ಭುರ‍್ಗ್ಯಾಂಕ್ ಸಮಾನ್ 1/2 ವಾಂಟೊ;
5. ವಿಧವ್ ಸ್ರ್ತೀಯೆಕ್/ದಾದ್ಲ್ಯಾಕ್ 1/2 ವಾಂಟೊ ಅನಿಂ ಮರಣ್ ಪಾವಲ್ಯಾ ವ್ಯಕ್ತಿಚೊ ಬಾಪಾಯ್, ಭಾವ್ ವಾ ಭಯ್ಣಿಂ ಅನಿಂ ತಾಂಕಾ ಕೊಣಿಂ ಭುರ‍್ಗಿಂ ನಾಂತ್ ತರ್ ತಾಚ್ಯಾ/ತಿಚ್ಯಾ ಅವಯ್ಕ್ ಸಗ್ಳೊ 1/2 ವಾಂಟೊ;
6. ವಿಧವ್ ಸ್ರ್ತೀಯೆಕ್/ದಾದ್ಲ್ಯಾಕ್ 1/2 ವಾಂಟೊ ಅನಿಂ ಮರಣ್ ಪಾವಲ್ಯಾ ವ್ಯಕ್ತಿಕ್ ಬಾಪಾಯ್, ಅವಯ್, ಭಾವ್ ಅನಿಂ ಭಯ್ಣಿಂ ನಾಂತ್ ಪುಣ್ ಭಾವ್ ಭಯ್ಣಿಂಚಿ ಭುರ‍್ಗಿಂ ಅಸಾತ್ ತರ್ ತಾಂಕಾ ಸಮಾನ್ 1/2 ವಾಂಟೊ;
7. ವಿಧವ್ ಸ್ರ್ತೀಯೆಕ್/ದಾದ್ಲ್ಯಾಕ್ 1/2 ವಾಂಟೊ ಅನಿಂ ಮರಣ್ ಪಾವಲ್ಯಾ ವ್ಯಕ್ತಿಕ್ ಬಾಪಾಯ್, ಅವಯ್, ಭಾವ್ ಅನಿಂ ಭಯ್ಣಿಂ ನಾಂತ್ ಪುಣ್ ಭಾವ್ ಭಯ್ಣಿಂಚಿ ಭುರ‍್ಗಿಂ ನಾಂತ್ ತರ್ ತ್ಯಾ ವ್ಯಕ್ತಿಚ್ಯಾ ಲಾಗ್ಸಿಲ್ಯಾ ರಗ್ತಾ ಸಂಭಂಧಿಂಕ್ 1/2 ವಾಂಟೊ.

Comments powered by CComment

Copyright © 2013 - www.christiankanoon.com. Powered by eCreators